Բակտերիալ վագինոզը հեշտոցաբորբի տեսակ է, որն առաջանում է հեշտոցում բնականում հայտնաբերված բակտերիաների ավելցուկից, ինչը խախտում է բնական հավասարակշռությունը:
Բակտերիալ վագինոզը երբեմն նաև կոչվում է ոչ սպեցիֆիկ վագինիտ կամ գարդներելա։
Բակտերալ վագինոզին բնորոշ են տհաճ (ձկան) հոտով հեշոցային արտադրությունը, հեշտոցի քորը և միզելիս այրոցը: Այնուամենայնիվ, բակտերիալ վագինոզի դեպքերի կեսն ընթանում է անախտանիշ և ուշադրության արժանի որևէ գանգատ չի առաջացնում:
Բակտերիալ վագինոզով հիվանդանալու մեծ հավանականություն ունեն վերարտադրողական տարիքի կանայք, սակայն այն կարող է հանդիպել ցանկացած տարիքի կանանց մոտ:
Պատճառը լիովին հասկանալի չէ, բայց որոշ գործողություններ, ինչպիսիք են անպաշտպան սեռական հարաբերությունները կամ հեշտոցի խոռոչի հաճախակի լվացումը, մեծացնում են ձեր ռիսկը:
Գանգատ կամ ախտանիշ չառաջացնող բակտերիալ վագինոզները սովորաբար բուժում չեն պահանջում: Սակայն բուժման անհրաժեշտություն առաջանում է, եթե ցանկանում եք հղիանալ կամ արդեն հղի եք:
Հոդվածը հրապարակվել է՝ 17-04-2018
Վերջին վերանայում՝ 23-04-2024