Ախտանիշներ - Դաստակի կոտրվածք

Կոտրված դաստակը կարող է առաջացնել հետևյալ գանգատներն ու ախտանիշները՝

• ուժեղ ցավ, որը կարող է սաստկանալ ձեռքը կամ դաստակը բռնելիս, սեղմելիս կամ շարժելիս
• ուռածություն կամ այտուց
• ցավոտություն
• արյունազեղում և կապտուկ
• ակնհայտ ձևախախտում (դեֆորմացիա), օրինակ՝ անբնական թեքված դաստակ:

Ե՞րբ դիմել բժշկին

Եթե կարծում եք, որ դաստակի կոտրվածք ունեք, անհապաղ դիմեք բժշկին, հատկապես, եթե ունեք թմրածություն, այտուցվածություն կամ մատների շարժման հետ կապված խնդիրներ: Ախտորոշման և բուժման հետաձգումը կարող է հանգեցնել վատ ապաքինման, շարժման տիրույթի նվազման և բռնելու ուժի թուլացման: