Կատարակտն աչքի նորմալ թափանցիկ ոսպնյակի պղտորումն է:
Այն մարդկանց համար, ովքեր կատարակտ ունեն, պղտորված ոսպնյակներով տեսնելը մի փոքր նման է սառույցով ծածկված կամ մառախլապատ պատուհանից նայելուն: Կատարակտի հետևանքով առաջացած մշուշոտ տեսողությունը կարող է դժվարացնել կարդալը, մեքենա վարելը (հատկապես գիշերը) կամ ընկերոջ դեմքի արտահայտությունը տեսնելը:
Կատարակտների մեծ մասը դանդաղ է զարգանում և վաղաժամ չի խանգարում ձեր տեսողությունը: 65 տարեկանից բարձր տարիքի մարդկանց 75%-ն ունի այս կամ այն տեսակի կատարակտ։ Իսկ 75 տարեկանից բարձր մարդկանց շրջանում կատարակտի տարածվածությունը կազմում է մոտ 90%։ Այնուամենայնիվ, ժամանակի ընթացքում կատարակտն ի վերջո կխանգարի ձեր տեսողությանը:
Սկզբում ավելի ուժեղ լուսավորությունը և ակնոցները կարող են օգնել ձեզ հաղթահարելու կատարակտը: Սակայն, եթե տեսողության խանգարումը խանգարում է ձեր սովորական գործունեությանը, ձեզ կարող է անհրաժեշտ լինել կատարակտի վիրահատություն: Կատարակտի վիրահատությունն ընդհանուր առմամբ անվտանգ, արդյունավետ միջամտություն է:
Հոդվածը հրապարակվել է՝ 09-05-2018
Վերջին վերանայում՝ 07-04-2024