Գրադարան

Խոլեցիստիտ (լեղապարկի բորբոքում)

Խոլեցիստիտ (լեղապարկի բորբոքում)

Time Read 1 րոպե

Խոլեցիստիտը լեղապարկի բորբոքումն է:

Լեղապարկը փոքր, տանձաձև օրգան է փորի (որովայնի) աջ կողմում՝ լյարդի տակ։ Լեղապարկը պարունակում է մարսողական հեղուկ (լեղի), որն անհրաժեշտ պահին արտազատվում է բարակ աղի և մասնակցում է մարսողությանը:

Դեպքերի մեծ մասում լեղաքարերը, որոնք փակում են լեղապարկից դուրս եկող խողովակը (ծորանը), առաջացնում են խոլեցիստիտ: Սա հանգեցնում է լեղու կուտակման, որը կարող է առաջացնել բորբոքում: Խոլեցիստիտի այլ պատճառներից են լեղուղիների խնդիրները, ուռուցքները, ծանր հիվանդությունները և որոշակի վարակները:

Խոլեցիստիտը կարող է առաջացնել ուժեղ ցավեր (սուր խոլեցիստիտ) և պահանջել շտապ բժշկական օգնություն: Ախտանիշները կարող են ինքնուրույն մեղմանալ, սակայն հիվանդությունը կրկնվելու մեծ հակում ունի (քրոնիկ խոլեցիստիտ):

Եթե ​​խոլեցիստիտը չբուժվի, կարող է հանգեցնել ծանր, երբեմն կյանքին սպառնացող բարդությունների, օրինակ՝ լեղապարկի պատռվածքի: Խոլեցիստիտի բուժումը հաճախ ներառում է լեղապարկի հեռացման վիրահատություն:

Հոդվածը տեղադրվել է՝ 08-05-2018 վերանայվել է՝ 27-06-2023 | Հիմնական աղբյուր՝ Evidence-Based Overviews

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով