Գրադարան

Բերանային հերպես (հասարակ հերպես)

Բերանային հերպես (հասարակ հերպես)

Time Read 1 րոպե

Բերանային կամ շրթունքային հերպեսը, որը նաև կոչվում է ջերմության բշտիկներ, տարածված վիրուսային վարակ է:

Բերանային հերպեսը տարածված վիրուսային վարակ է, որն առաջացնում է հերպեսվիրուսային բշտիկավոր մաշկաբորբ:

Վարակը դրսևորվում է փոքրիկ, հեղուկով լցված բշտիկներով, որոնք «ծլում են» ձեր շրթունքների վրա և շուրջը: Այս բշտիկները հաճախ խմբավորվում են միասին՝ բծերի տեսքով: Բշտիկները բացվելուց հետո առաջանում է փոքր խոց, որը կարող է տևել մի քանի օր։ Այս խոցերը սովորաբար ապաքինվում են երկու-երեք շաբաթվա ընթացքում՝ առանց սպի թողնելու:

Վարակը փոխանցվում է անձից մարդուն սերտ շփման միջոցով, օրինակ՝ համբուրվելով: Դրանք սովորաբար առաջանում են հասարակ հերպեսի վիրուսի տիպի 1-ով (HSV-1) և ավելի հազվադեպ՝ տիպ 2-ով (HSV-2): Այս երկու վիրուսներն էլ կարող են ազդել ձեր բերանի կամ սեռական օրգանների վրա և կարող են տարածվել բերանային (օրալ) սեռական հարաբերության միջոցով: Հերպեսային մաշկաբորբը վարակիչ է, նույնիսկ եթե դուք չեք տեսնում խոցերը:

Հասարակ հերպեսի վիրուսի համար բուժում չկա, սակայն բուժումը կարող է օգնել բշտիկների բռնկումների վերահսկմանը: Հակավիրուսային հաբերը կամ նրբաքսուքները (կրեմները) կարող են օգնել խոցերի ավելի արագ ապաքինմանը: Եվ դրանք կարող են նվազեցնել ապագա բռնկումների հաճախականությունը, տևողությունը և սրությունը:

Հոդվածը տեղադրվել է՝ 13-05-2018 վերանայվել է՝ 09-03-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով