Նկարագիր - Վասկուլիտ

Վասկուլիտը արյունատար անոթների բորբոքմամբ ընթացքո հիվանդություն է:

Այն նաև հայտնի է որպես անգիիտ և արտերիիտ, որը թարգմանվում է որպես անոթաբորբ և զարկերակաբորբ։

Բորբոքումը կարող է հանգեցնել արյունատար անոթների պատերի հաստացման, ինչը նեղացնում է անոթի լուսանցքը՝ արյան անցման լայնությունը: Եթե արյան հոսքը նվազում է, դա կարող է հանգեցնել օրգանների և հյուսվածքների վնասմանը:

Գոյություն ունեն վասկուլիտի բազմաթիվ տեսակներ, և դրանցից շատերը հազվադեպ հանդիպող են: Վասկուլիտը կարող է ազդել միայն մեկ կամ մի քանի օրգանների վրա: Հիվանդությունը կարող է լինել կարճաժամկետ (սուր) կամ երկարատև (քրոնիկ):

Վասկուլիտը կարող է ախտահարել բոլորին, չնայած որոշ տեսակներ ավելի տարածված են որոշակի տարիքային խմբերի մոտ: Կախված ձեր վասկուլիտի տեսակից, դուք կարող եք լավանալ առանց բուժման: Այնուամենայնիվ, շատ տեսակներ պահանջում են դեղորայքային բուժում բորբոքումը վերահսկելու և սրացումները՝ բռնկումները կանխելու համար:

Վասկուլիտի տեսակները

Կան վասկուլիտի տարբեր տեսակներ, որոնք դասակարգվում են հետևյալ կերպ՝

• համակարգային նեկրոտիկ վասկուլիտներ
  • հանգուցավոր պերիարտերիիտ
  • Չերջ-Ստրոսի համախտանիշ
  • խառը վասկուլիտ
• Վեգեների գրանուլեմատոզ
• հսկաբջջային արտերիիտ
• աորտոարտերիիտ
• հեմոռագիկ վասկուլիտ (Շենլեյն-Հենոխի հիվանդություն)
• մաշկի ալերգիկ վասկուլիտներ
  • էկզոգեն անտիգենի մասնակցությամբ (դեղորայքային վասկուլիտ, շիճուկային հիվանդություն, վասկուլիտ վարակային հիվանդությունների դեպքում)
  • էնդոգեն անտիգենի մասնակցությամբ (պարանեոպլաստիկ վասկուլիտ, վասկուլիտ ռևմատիկ հիվանդությունների դեպքում, այլ երկրորդային վասկուլիտներ, վասկուլիտ կոմպլեմենտի համակարգի բնածին անբավարարության դեպքում)
• այլ վասկուլիտներ
  • Կավասակիի հիվանդություն
  • առաջնային նեյրովասկուլիտ
  • օբլիտերացնող թրոմբանգիիտ (Բյուրգերի հիվանդություն)
  • Բեհչետի հիվանդություն
  • այլ։