Skip to main content

Ախտանիշներ - Ալկոհոլային հեպատիտ

Ալկոհոլային հեպատիտի ամենատարածված նշանը մաշկի և աչքերի սկլերաների դեղնությունն է, որը կոչվում է դեղնուկ:

Ալկոհոլային հեպատիտի մյուս ախտանիշներից են՝

  • ախորժակի բացակայություն
  • սրտխառնոց և փսխում
  • որովայնի ցավոտություն
  • ջերմություն, հաճախ՝ ցածր աստիճանի
  • հոգնածություն և թուլություն:

Ալկոհոլային հեպատիտով անձանց շրջանում տարածված է նաև թերսնուցումը: Ալկոհոլի մեծ քանակների օգտագործումը ճնշում է ախորժակը, ուստի այս մարդիկ իրենց կալորիաների մեծ մասը ստանում են ալկոհոլով:

Ծանր ալկոհոլային հեպատիտի դեպքում ի հայտ են գալիս լրացուցիչ ախտանիշներ, այդ թվում՝

  • որովայնի ներսում հեղուկի կուտակում (ասցիտ)
  • շփոթվածություն և վարքաբանական փոփոխություններ, որոնք պայմանավորված են օրգանիզմում այն թունավոր նյութերի կուտակմամբ, որոնք նորմայում պիտի քայքայվեին լյարդում
  • երիկամային և լյարդային անբավարարություն:

Ե՞րբ դիմել բժշկին

Ալկոհոլային հեպատիտը ծանր հիվանդություն է, որը հաճախ՝ մահվան հանգեցնող հիվանդություն է:

Այցելեք ձեր բժշկին, եթե՝

  • ունեք ալկոհոլային հեպատիտի ախտանիշներ
  • չեք կարող վերահսկել ալկոհոլի օգտագործումը
  • ունեք օգնության կարիք, որ դադարեցնեք ալկոհոլի օգտագործումը:

Հոդվածը հրապարակվել է՝ 19-05-2021
Վերջին վերանայում՝ 04-04-2024