Դեղամիջոցների գերօգտագործման գլխացավերը կամ կողոպտման գլխացավերն առաջանում են գլխացավերի, օրինակ՝ միգրենի նոպաների բուժման դեղերի կանոնավոր երկարատև օգտագործման պատճառով:
Գլխացավի այս առանձնահատուկ տեսակն անվանում են նաև դեղամիջոցների ընդունումից առաջացած գլխացավ։
Սովորական ցավազրկողները մեղմացնում են ժամանակ առ ժամանակ անհանգստացնող գլխացավերը: Սակայն, եթե դրանք ընդունեք շաբաթական ավելի քան մի քանի օրվա ընթացքում, նույն դեղերը կարող են նպաստել դեղամիջոցների գերօգտագործման գլխացավերի առաջացմանը:
Եթե ունեք որևէ գլխացավային հիվանդություն, ցավազրկման նպատակով ընդունած ցանկացած դեղամիջոց կարող է առաջացնել կողոպտման գլխացավեր: Սակայն, եթե չունեք գլխացավային հիվանդություն, այլ հիվանդության, օրինակ՝ հոդաբորբի կապակցությամբ կանոնավոր կերպով ցավազրկողների օգտագործումը չի հանգեցնի դեղամիջոցների գերօգտագործման գլխացավերի։
Դեղամիջոցների գերօգտագործման գլխացավերը սովորաբար անհետանում են, երբ դադարեցնում եք ցավազրկողների օգտագործումը: Բժիշկը կարող է օգնել, որ ցավազրկողներից հրաժարվելու ժամանակաշրջանն անցնի առավել հարթ և առանց ձեր գլխացավերի սաստկացման:
Հոդվածը հրապարակվել է՝ 20-03-2021
Վերջին վերանայում՝ 23-04-2024