Ախտանիշներ - Փսխում

Փսխումը հաճախ ուղեկցվում է այլ ախտանիշներով:

Եթե փսխում եք, նաև կարող եք նշել՝

• որովայնային կծկանքներ կամ ցավեր
• փորլուծություն
• սրտխառնոց, որը սովորաբար նախորդում կամ ուղեկցում է փսխմանը:

Հաճախակի և առատ փսխումները, հատկապես երեխաների մոտ կարող են բերել ջրազրկման: Ջրազրկման նշաններից են՝

• ավելի հազվադեպ միզարձակում (երեխաների տակդիրներն ավելի հազվադեպ են փոխվում)
• մեզի մգացում
• աչքերի խամրում և չորություն
• ընդհանուր թուլություն, հոգնածություն և քնկոտություն
• գլխացավ:

Ե՞րբ դիմել բժշկին

Դիմեք բժշկին, եթե՝

• փսխումները շարունակվում են երկու օր և ավելի
• վերջին մեկ ամսվա ընթացքում ունեցել եք սրտխառնոցի և փսխման «նոպաներ»
• կորցրել եք զգալի քաշ
• կարծում եք, որ անհրաժեշտ է ներերակային ռեհիդրատացիոն բուժում (օրգանիզմի կորցրած ջրերի և աղերի վերականգնում)։