Քաղցկեղային հակածին 15-3 - Օնկոմարկերներ

Միջազգային անվանում (հապավում). Carbohydrate (Cancer) Antigen 15-3 (СА 15-3)

Նկարագրություն

Ածխաջրատային (քաղցկեղային) հակածին 15-3-ը (СА 15-3) ուռուցքային մարկեր է, որը նշանակվում է կրծքագեղձի կարցինոմայի ընթացքի հսկողության և բուժման արդյունավետությունը գնահատելու համար:

СА 15-3-ն առաջանում է կրծքագեղձի կարցիոմատոզ բջջաթաղանթներին: Այն հայտնաբերվում է նաև գեղձային բջիջների էպիթելում և սեկրետում: СА 15-3-ը պատկանում է լորձային տիպի բարձրմոլեկուլյար գլիկոպրոտեինների դասին և ունի 300 հզ Դալտոն մոլեկուլյար զանգված:

Ախտորոշիչ նշանակություն ունի ավելի շատ ժամանակի ընթացքում СА 15-3-ի մակարդակի փոփոխության դինամիկան, քան բուն եզակի թեստը: СА 15-3-ի մակարդակի բարձրացման արագությունը թույլ է տալիս պատկերացում կազմել հիվանդության պրոգրեդիենտային ընթացքի, մասնավորապես, մետաստազավորման մասին: Ախտադարձերի (ռեցիդիվ) կամ մետաստազների դեպքում СА 15-3-ի մակարդակի աճը կարող է գրանցվել կլինիկական նշաններն ի հայտ գալուց 6-9 ամիս առաջ:

Կրծքագեղձի քաղցկեղով և մետաստազներով կանանց շուրջ 80%-ի մոտ գրանցվում է արյան СА 15-3-ի մակարդակի զգալի բարձրացում, մինչդեռ առանց մետաստազների 1-3-րդ փուլերում՝ միայն 20%-ի մոտ:

Ցուցումներ

• կրծքագեղձի կարցինոմայի ընթացքի վերահսկում, վաղ ռեցիդիվների, մետաստազների հայտնաբերում և բուժման արդյունավետության գնահատում
• կրծքագեղձի քաղցկեղի և բարորակ մաստոպաթիայի միջև տարբերակիչ ախտորոշման անցկացում

Կենսանմուշ

СА 15-3 թեսթի համար հանձնվող կենսանմուշն է՝ երակային արյուն։

Կենսանմուշի հանձնում

Կենսանմուշը պետք է հանձնել առավոտյան ժամերին, քաղցած վիճակում: Սննդի վերջին ընդունումը՝ ոչ պակաս, քան 8 ժամ, ցանկալի է՝ 12 ժամ առաջ: Պետք է բացառել հյութերը, թեյը, սուրճը (հատկապես՝ շաքարով): Կարելի է ընդունել ջուր:

Չափման միավորներ

Միջազգային չափման միավոր (SI համակարգ)

Մ/մլ (միավոր/մլ)

Նորմալ (ռեֆերենս) միջակայքեր

Համընդհանուր օգտագործվող միջակայքեր

25,2-27,9 Մ/մլ

Արդյունքների մեկնաբանություն

CA 15-3-ի մակարդակի բարձրացում

Օնկոլոգիական հիվանդություններ (СА 15-3-ի մակարդակի զգալի բարձրացում)

• կրծքագեղձի կարցինոմա (առավել բարձր մակարդակներ գրանցվում են հիվանդության ուշ փուլերում և մետաստազների առկայության ժամանակ)
• բրոնխոգեն կարցինոմա
• ստամոքսի քաղցկեղ
• լյարդի քաղցկեղ
• ենթաստամոքսային գեղձի քաղցկեղ
• ձվարանների, արգանդի լորձաթաղանթի (էնդոմետրիում), արգանդի քաղցկեղներ (հիվանդության ուշ փուլեր)

Սոմատիկ հիվանդություններ (ոչ զգալի բարձրացում)

• կրծքագեղձի բարորակ հիվանդություններ, լյարդի ցիռոզ (մինչև 50 Մ/մլ)
• ֆիզիոլոգիական բարձրացում՝ հղիության 3-րդ եռամսյակում (մինչև 50 Մ/մ)
• աուտոիմուն հիվանդություններ

СА 15-3-ի ախտորոշիչ արժեքը բարձրանում է կարցինոէմբրիոնալ հակածնի (CEA) միաժամանակյա որոշման դեպքում: