Ֆրուկոզամին - Սուբստրատներ

Միջազգային անվանում (հապավում). Fructosamine (FRUC)

Նկարագրություն

Ֆրուկտոզամինը (FRUC) գլյուկոզի և արյան շիճուկի սպիտակուցների կոմպլեքսն է (գլիկոզիլացված սպիտակուց):

Ֆրուկտոզամինը գլխավորապես ներկայացված է գլիկոզիլացված ալբումինով, որն առաջանում է գլյուկոզի և ալբումինի ոչ ֆերմենտային միացման արդյունքում: Շիճուկային այս սպիտակուցների կիսահեռացման պարբերությունն ավելի կարճ է, քան էրիթրոցիտների կյանքի միջին տևողությունը, ուստի, ի տարբերություն գլիկոզիլացված հեմոգլոբինի (HbA1c), ֆրուկոզամինն արտացոլում է արյան գլյուկոզի մակարդակի կայուն կամ ժամանակավոր բարձրացումը ոչ թե թեստին նախորդող 3-4 ամիսների, այլ՝ միայն 1-3 շաբաթների ընթացքում:

Երեխաների մոտ ֆրուկտոզամինի մակարդակը մի փոքր ավելի ցածր է, քան չափահասների մոտ: Հեմոգլոբինը, ասկորբինաթթուն և ցերուլոպլազմինն արգելակում են ֆրուկտոզամինի առաջացումը:

Այս թեստը նպատակահարմար չէ անցկացնել սպիտամիզության (պրոտեինուրիա) և արտահայտված հիպոպրոտեինեմիայի ժամանակ: Շաքարային դիաբետով հիվանդների շրջանում ածխաջրատային փոխանակության բավարար կոմպենսացիայի դեպքում ֆրուկտոզամինի մակարդակը կարող է լինել 286 - 320 մկմոլ/լ, իսկ դեկոմպենսացիայի ժամանակ` աճել մինչև 370 մկմոլ/լ և ավելի բարձր:

Ցուցումներ

• Շաքարային դիաբետով հիվանդների շրջանում հիպեերգլիկեմիայի կարճատև հսկողություն, հատկապես նորածինների և ոչ հղի կանանց շրջանում:

Կենսանմուշ

FRUC թեսթի համար հանձնվող կենսանմուշն է՝ երակային արյուն։

Կենսանմուշի հանձնում

Արյունը պետք է հանձնել առավոտյան ժամը 08:00 - 11:00 սահմաններում, քաղցած վիճակում: Խորհուրդ է տրվում հետազոտվել սննդի վերջին ընդունումից ոչ շուտ, քան 8 ժամ և ոչ ուշ, քան 14 ժամ հետո, այս ընթացքում ընդունելով միայն ջուր: Թեստի նախորդ օրը նաև խորհուրդ է տրվում զերծ մնալ սննդային գերբեռնվածությունից:

Չափման միավորներ

Միջազգային չափման միավոր (SI համակարգ)

մկմոլ/լ (միկրոմոլ/լիտր)

Նորմալ (ռեֆերենս) միջակայքեր

Համընդհանուր օգտագործվող միջակայքեր

մինչև 319 մկմոլ/լ

Արդյունքների մեկնաբանություն

FRUC-ի մակարդակի բարձրացում

• շաքարային դիաբետ (դիաբետով հիվանդների շրջանում ածխաջրատային փոխանակության բավարար կոմպենսացիայի դեպքում ֆրուկտոզամինի մակարդակը կարող է լինել 286 - 320 մկմոլ/լ, իսկ դեկոմպենսացիայի ժամանակ աճել մինչև 370 մկմոլ/լ և ավելի բարձր)
• երիկամային անբավարարություն
• թերակտիվ վահանաձև գեղձ (հիպոթիրեոզ)
• IgA-ի բարձրացում

FRUC-ի մակարդակի նվազեցում

• արտահայտված հիպոպրոտեինեմիա (հիպոալբումինեմիա), օրինակ՝ նեֆրոտիկ համախտանիշ
• դիաբետիկ նեֆրոպաթիա
• գերակտիվ վահանաձև գեղձ (թիրեոտոքսիկոզ)
• ասկորբինաթթվի (վիտամին C) ընդունում