Միջազգային անվանում (հապավում). Hematocrit (HCT)
Նկարագրություն
Հեմատոկրիտը (HCT) արյան ընդհանուր ծավալում արյան բոլոր բջիջների (ձևավոր տարրերի) տոկոսային մասնաբաժինն է:
Իրականում, հեմատոկրիտը ներկայացնում է գլխավորապես արյան ընդհանուր ծավալում էրիթրոցիտների մասնաբաժինը:
Լաբորատոր բաժնի հովանավոր
Այցելեք Յունիմեդ բժշկական կենտրոն ճշտգրիտ ախտորոշում ստանալու համար:
Ցուցումներ
- պլանային կանխարգելիչ հետազոտություն
- հոսպիտալացմանը նախորդող հետազոտություն
- վարակիչ, բորբոքային և արյունաբանական հիվանդությունների ախտորոշում
- հիվանդության ընթացքի կամ բուժման արդյունավետության հսկողություն
Կենսանմուշ
HCT թեսթի համար հանձնվող կենսանմուշն է՝ երակային արյուն։
Կենսանմուշի հանձնում
Կենսանմուշը պետք է հանձնել առավոտյան ժամերին, քաղցած վիճակում: Սննդի վերջին ընդունումը՝ ոչ պակաս, քան 8 ժամ, ցանկալի է՝ 12 ժամ առաջ: Պետք է բացառել հյութերը, թեյը, սուրճը (հատկապես՝ շաքարով): Կարելի է ընդունել ջուր:
Հնարավորության սահմաններում հետազոտության նախորդ օրը պետք է խուսափել ֆիզիկական և հուզական ծանրաբեռնվածություններից:
Լրացուցիչ տեղեկատվություն և օգնություն
Չափման միավորներ
Միջազգային չափման միավոր (SI համակարգ)
% (տոկոս)
Նորմալ (ռեֆերենս) միջակայքեր
Համընդհանուր օգտագործվող միջակայքեր
- կանայք՝ 36 - 46 %
- տղամարդիկ՝ 43 - 49 %
Այլընտրանքային նորմալ արժեքներ
| Տարիք, սեռ | HCT, % | |
|---|---|---|
| Երեխաներ | ||
| 1 - 14 օր. | 41,0 - 65,0 | |
| 14 օր. - 4,3 շաբ. | 33,0 - 55,0 | |
| 4,3 շաբ. - 8,6 շաբ. | 28,0 - 42,0 | |
| 8,6 շաբ. - 4 ամս. | 32,0 - 44,0 | |
| 4 - 9 ամս. | 32,0 - 40,0 | |
| 9 - 12 ամս. | 33,0 - 41,0 | |
| 12 ամս. - 3 տ. | 32,0 - 40,0 | |
| 3 - 6 տ. | 32,0 - 42,0 | |
| 6 - 9 տ. | 33,0 - 41,0 | |
| 9 - 12 տ. | 34,0 - 43,0 | |
| 12 - 15 տ. | Աղջիկներ | 34,0 - 44,0 |
| Տղաներ | 35,0 - 45,0 | |
| 15 - 18 տ. | Աղջիկներ | 34,0 - 44,0 |
| Տղաներ | 37,0 - 48,0 | |
| 18 - 45 տ. | Կանայք | 35,0 - 45,0 |
| Տղամարդիկ | 39,0 - 49,0 | |
| 45 - 65 տ. | Կանայք | 35,0 - 47,0 |
| Տղամարդիկ | 39,0 - 50,0 | |
| ≥ 65 տ. | Կանայք | 35,0 - 47,0 |
| Տղամարդիկ | 37,0 - 51,0 | |
Արդյունքների մեկնաբանություն
HTC-ի բարձրացում
- ջրազրկում (արտահայտված փորլուծություն, կրկնակի փսխումներ, ուժեղացած քրտնարտադրություն, շաքարային դիաբետ, այրվածքային հիվանդություն, պերիտոնիտ)
- ֆիզիոլոգիական էրիթրոցիտոզներ (բարձր լեռնային շրջաններում բնակվողներ, օդաչուներ, մարզիկներ)
- սիմպտոմատիկ էրիթրոցիտոզներ (շնչառական անբավարարություն, սրտանոթային անբավարարություն, երիկամների պոլիկիստոզ)
- էրիթրեմիա
HTC-ի նվազեցում
- տարբեր ծագման անեմիաներ
- հիպերհիդրատացիա
Վարվեք այս կերպ
Լաբորատոր թեստի արդյունքների մեկնաբանումը վստահեք ձեր բժշկին: Նա ձեզ կբացատրի յուրաքանչյուր ցուցանիշը և դրա շեղման հնարավոր պատճառը:
Մի՛ փորձեք
Ինքնուրույն վերլուծել ձեր պատասխանները և, առավել ևս, ինքնուրույն փոխել ձեր դեղամիջոցները կամ դրանց դեղաչափերը:
Հոդվածը հրապարակվել է՝ 14-04-2018
Վերջին վերանայում՝ 02-06-2023