Միջազգային անվանում (հապավում). Lymphocytes (LYM)
Նկարագրություն
Լիմֆոցիտներն (LYM) իմունիտետի գործող բջիջներն են, որոնք վնասազերծում են օրգանիզմ թափանցած օտարածին օրգանիզմները և նյութերը։
Լիմֆոցիտները արյան սպիտակ բջիջների (լեյկոցիտների) առանձնահատուկ տեսակ են, որոնք անընդհատ շրջում են մի հյուսվածքից մյուսը: Ի տարբերություն մյուս լեյկոցիտների, դրանք հյուսվածքից կրկին վերադառնում են արյուն, ապա գաղթում այլ հյուսվածներ:
Տարբերում են լիմֆոցիտների հետևյալ 3 տեսակները՝
- T-լիմֆոցիտներ
- B- լիմֆոցիտներ
- զրոյական լիմֆոցիտներ:
T-ը լիմֆոցիտների տեսակների տարբերակումը տեղի է ունենում ուրցագեղձում, սակայն դրանք առաջանում են ոսկրածուծում:
T- լիմֆոցիտների տեսակներն են՝
- T-ճնշողներ (սուպրեսոր)
- T-օգնականներ (հելփեր)
- T-սպանիչներ (քիլլեր)
- T-ակտիվացնողներ:
Լաբորատոր բաժնի հովանավոր
Այցելեք Յունիմեդ բժշկական կենտրոն ճշտգրիտ ախտորոշում ստանալու համար:
Ցուցումներ
- պլանային կանխարգելիչ հետազոտություն
- հոսպիտալացմանը նախորդող հետազոտություն
- վարակիչ, բորբոքային և արյունաբանական հիվանդությունների ախտորոշում
- հիվանդության ընթացքի կամ բուժման արդյունավետության հսկողություն
Կենսանմուշ
LYM թեսթի համար հանձնվող կենսանմուշն է՝ երակային արյուն։
Կենսանմուշի հանձնում
Կենսանմուշը պետք է հանձնել առավոտյան ժամերին, քաղցած վիճակում: Սննդի վերջին ընդունումը՝ ոչ պակաս, քան 8 ժամ, ցանկալի է՝ 12 ժամ առաջ: Պետք է բացառել հյութերը, թեյը, սուրճը (հատկապես՝ շաքարով): Կարելի է ընդունել ջուր:
Հնարավորության սահմաններում հետազոտության նախորդ օրը պետք է խուսափել ֆիզիկական և հուզական ծանրաբեռնվածություններից:
Լրացուցիչ տեղեկատվություն և օգնություն
Չափման միավորներ
Միջազգային չափման միավոր (SI համակարգ)
- բացարձակ թիվ (LYM#)՝ x 109 բջիջ/լ (միլիարդ հատ 1 լիտրում)
- տոկոս (ֆրակցիա) (LYM%)՝ լեյկոցիտների մեջ տոկոսը (%)
Այլընտրանքային չափման միավոր
Բացարձակ թիվ՝ 103 բջիջ/մկլ (հազար հատ 1 միկրոլիտրում)
Միավորների փոխակերպում
109/լ = 103/մկլ
Նորմալ (ռեֆերենս) միջակայքեր
Համընդհանուր օգտագործվող միջակայքեր
Լիմֆոցիտների բացարձակ քանակ
- չափահասներ՝ 1,0-4,0 x 109/լ
- երեխաներ՝ մինչև 5,0 x 109/լ
- նորածիններ՝ մինչև 6,0 x 109/լ
Լիմֆոցիտների տոկոս
- չափահասներ՝ 25-40%
- նորածիններ՝ մինչև 70%
Այլընտրանքային միջակայքեր
| Տարիք | LYM % |
|---|---|
| 1-15 օր. | 22,0-55,0 |
| 15 օր.-12 ամս. | 45,0-70,0 |
| 12 ամս.- 2 տ. | 37,0-60,0 |
| 2-5 տ. | 33,0-55,0 |
| 5-9 տ. | 30,0-50,0 |
| 9-12 տ. | 30,0-46,0 |
| 12-15 տ. | 30,0-45,0 |
| ≥ 15 տ. | 19,0-37,0 |
Արդյունքների մեկնաբանություն
LYM-ի թվաքանակի բարձրացում (լիմֆոցիտոզ)
- վիրուսային վարակով պայմանավորված բազմաթիվ հիվանդություններ
- արյան համակարգի հիվանդություններ՝ քրոնիկ լիմֆոլեյկոզ, լեյկեմիզացման փուլում լիմֆոմաներ, ծանր շղթաների հիվանդություն
- թունավորում տետրաքլորէթանով, կապարով, մկնդեղով, ջրածնի դիսուլֆիդով
- որոշ դեղերի ընդունում՝ Լևոդոպա, Ֆենիտոին, Վալպրոյաթթու, թմրադեղեր և այլն
LYM-ի թվաքանակի նվազեցում (լիմֆոպենիա)
- բորբոքային հիվանդության սուր փուլ
- ապլաստիկ անեմիա
- իմունադեֆիցիտային վիճակներ
- երիկամային անբավարարություն
- ավշի կորուստ աղիքների միջոցով
- համակարգային կարմիր գայլախտ
- ռենտգենյան ճառագայթների ազդեցություն
- ուռուցքային հիվանդությունների տերմինալ փուլ
- միլիար տուբերկուլոզ
- որոշ դեղերի ընդունում՝ գլյուկոկորտիկոիդներ, ցիտոստատիկներ և այլն
Վարվեք այս կերպ
Լաբորատոր թեստի արդյունքների մեկնաբանումը վստահեք ձեր բժշկին: Նա ձեզ կբացատրի յուրաքանչյուր ցուցանիշը և դրա շեղման հնարավոր պատճառը:
Մի՛ փորձեք
Ինքնուրույն վերլուծել ձեր պատասխանները և, առավել ևս, ինքնուրույն փոխել ձեր դեղամիջոցները կամ դրանց դեղաչափերը:
Հոդվածը հրապարակվել է՝ 14-04-2018
Վերջին վերանայում՝ 08-06-2023