Մեդեքսի հեղինակները

Հեղինակային կազմ

Մեդեքսի բովանդակությունը գրվում և գնահատվում է կլինիկական ոլորտի մեր անձնակազմի կողմից։ Մեզ միավորել է հայերեն լեզվով առողջական թեմաների վերաբերյալ գործնական և վստահելի առցանց շտեմարան ստեղծելու միտքը։ Մեր հեղինակներն ու խմբագիրներն առաջնորդվում են Մեդեքսի խմբագրային քաղաքականության սկզբունքներով։

Մեդեքսում հրապարակվող նյութերը մշակվում կամ թարգմանվում են բանիմաց և փորձառու բժիշկ-մասնագետների և առողջապահության կազմակերպիչների կողմից:

Աղբյուրներ

Կայքի բովանդակությունը ստեղծելիս մեր հեղինակներն օգտվում են տարբեր հավաստի և որակյալ աղբյուրներից:

Մեդեքսի կառավարիչ

Մեդեքս նախագծի նախաձեռնողը, կայքի կառավարիչը և գլխավոր խմբագիրը Արթուր Պոտոսյանն է, ով պատասխանատու է կայքի բովանդակության կառավարման և որակի վերահսկման համար:

Մեդեքսի խմբագրման քաղաքականությունը

Մենք տրամադրում ենք առողջության վերաբերյալ հավաստի, ճշգրիտ և մշտապես թարմացվող տեղեկություններ: Մեր հրապարակումները կարող են օգտակար լինել ինչպես ընդհանուր բնակչության, այնպես էլ առողջապահության ոլորտի մասնագետների համար։

Թույլ տվեք տեղեկացնել նաև, որ մեր վեբկայքի որևէ հրապարակում չի պարունակում որևէ գովազդային բովանդակություն և չունի որևէ առևտրային նշանակություն։ Հակառակը, մեր էջերով սփռվող տեղեկատվությունն արտացոլում է կլինիկական հետազոտություններով ապացուցված տվյալները, միջազգայնորեն ընդունված ուղեցույցները և լավագույն կլինիկական փորձը։

Մենք ջանք չենք խնայում՝ տրամադրելու միայն գրագետ հայերենով շարադրված տեղեկատվություն։ Մենք նաև ձեր օգնությամբ պարբերաբար ստուգում և ուղղում ենք հնարավոր սխալներն ու բացթողումները։

Կլինիկական տեղեկատվություն

Ընդհանուր բնույթի հոդվածները գրված են պարզ, հեշտ հասկանալի «լեզվով», որպեսզի հնարավորինս բացառենք հանրության լայն շրջանակների կողմից հնարավոր տարընթերցումները։

Այս հոդվածները ստեղծվում և կրկնակի ստուգվում են մեր հեղինակների ու խմբագիրների՝ Մեդեքսի անձնակազմի բժիշկների կողմից, ովքեր ներկայացնում են բժշկագիտության ամենատարբեր մասնագիտական ոլորտները։

Մեր էջերում դուք կգտնեք միայն ստուգված և հրապարակման արժանի տեսանյութեր, որոնք առաջին հերթին օգտակար և անվտանգ են՝ զերծ որևէ շահադիտական նկատառումներից։

Բովանդակության ստեղծման փուլ

1. Թարմ տեղեկատվության ստուգում. Մեր կլինիկական խմբագիրները մշտապես հետևում են միջազգայնորեն ընդունված հիմնական ուղեցույցներին ու չափորոշիչներին, գիտաժողովների քննարկումներին և բժշկագիտական ամսագրերին և ըստ անհրաժեշտության դրանք ներառում Մեդեքսում հրապարակված նյութերի մեջ՝ կարիքի դեպքում կատարելով նաև բոլոր լրացումները կամ շտկումները։ Սա թույլ է տալիս կայքի բովանդակությունը պահել թարմ վիճակում։
2. Հնացող տեղեկատվության վերանայում. Եթե անհրաժեշտություն է ծագում որևէ թեմայի վերաբերյալ կատարել մեծ խմբագրումներ, ապա համապատասխան փոփոխությունները կատարելուց հետո այդ հրապարակման մեջ անպայմանորեն նշվում է փոփոխությունների ամսաթիվը և այն, թե ինչն է խմբագրվել, ինչու է խմբագրվել և ինչ հիմքերի վրա է կատարվել փոփոխությունը։ Որպես կանոն, մեր խմբագիրները Մեդեքսի էջերում ամփոփված տեղեկատվությունն ամբողջապես ստուգում են յուրաքանչյուր 2 տարին մեկ անգամ։
3. Գնահատում և սրբագրում. Մեր խմբագրական գործընթացը ներառում է մինչև հրապարակվելը նյութի լիարժեք գնահատումը։ Որպես կանոն, հոդվածագիրը և գնահատողը տարբեր մասնագետներ են, իսկ սրբագրողը քերականական և շարահյուսական վերջնական ստուգումից հետո նյութն ուղարկում է հրապարակման։ Ամփոփելով, մեկ անգամ ևս ընդգծենք, մեր նյութերը մինչև հրապարակվելը և կայքում հայտնվելը լիարժեք ստուգվում են։
4. Հետադարձ կապ. Մենք ողջունում ենք մեր կայքի այցելուների գնահատականներն ու կարծիքները, մտահոգություններն ու խորոհւրդները։ Ձեր ուղարկած և որևէ մեկ նամակ չի անտեսվում, այլ լրջորեն հետազոտվում է և ըստ անհրաժեշտության համապատասխան քայլեր են ձեռնարկվում։