Ախտանիշներ - Քլամիդիա

Վաղ փուլերում քլամիդիա տրախոմատիս վարակները հաճախ քիչ գանգատներ և ախտանիշներ են առաջացնում կամ որևէ ախտանիշ չեն պատճառում։

Նույնիսկ երբ գանգատներն ու ախտանիշներն ի հայտ են գալիս, դրանք հաճախ մեղմ են, ինչը հեշտացնում է դրանց անտեսումը:

Քլամիդիա տրախոմատիսային վարակի գանգատներն ու ախտանիշները կարող են ներառել՝

• ցավոտ միզարձակում (դիզուրիա)
• կանանց մոտ՝ հեշտոցային արտադրություն
• տղամարդկանց մոտ՝ առնանդամից (միզուկից) արտադրություն
• կանանց մոտ՝ ցավոտ սեռական հարաբերություն
• կանանց մոտ՝ դաշտանների միջև և սեռական հարաբերությունից հետո արյունահոսություն
• տղամարդկանց մոտ՝ ամորձու ցավ:

Քլամիդիա տրախոմատիսը նաև կարող է վարակել ուղիղ աղիքը՝ ընթանալով առանց գանգատների կամ բերելով ուղիղաղիքային ցավի, արտադրության կամ արյունահոսության: Վարակված կենսահեղուկների հետ շփվելիս նաև կարող է զարգանալ աչքի քլամիդիային վարակներ (շաղկապենու բորբոքում):

Ե՞րբ դիմել բժշկին

Այցելեք ձեր բժշկին, եթե ունեք արտադրություն հեշտոցից, առնանդամից կամ ուղիղ աղիքից (հետանցքից) կամ եթե նշում եք միզելիս ցավեր: Դիմեք բժշկին նաև այդ դեպքում, եթե տեղեկացել եք, որ ձեր սեռական զուգընկներն ունի քլամիդիա: Բժիշկը հավանաբար կնշանակի որևէ հակաբիոտիկ, նույնիսկ եթե որևէ գանգատ չունեք: